السلام عليكم ورحمة الله وبركاته
الأهداء إلى الشاعر الغالي ( وسمي العبيان ) مع التحية
[ رفيقي ] ماجيت لك طرقي . وعساس =ودي ثرى ديرتك من عقب ديمه
جيت أختصر فزعتك .. ياطيب الساس=وأقول , طيبك عسى المولى يديمه
أنت أقرب الناس / وأقرب لي بالأحساس =وأنا , لو أصد عن مثلك جريمه
تقول مقدر عليها , وقلت لاباس= مانجحد الطيب ويديك الكريمه
معدنك معدن ذهب , وأخلاقك ألماس = وشعورك , إثبات عن نفسٍ رحيمه
في عز الأزمات ماترضى بهوجاس =وأفعالك اللي مضت .. ما هي قديمه
المشكله باقيه والضيق وسواس=والخوف باكر خسايرها وخيمه
ودام أمنياتي وراها قوة الباس= برقب وعدها , لو الذكرى أليمه
ولو كان قلبي يقاوم موجة الياس=في صدر الأيام لي قدر وحشيمه
[ الأنتكاسات ] .. تهزم ليّن الراس =[ والأنتصارات ] .. من صنع الهزيمه
[ رفيقي ] من يزهمك يبشر بنوماس= يفداك .. منهو تشابه مع حريمه
الفعل شفته بعيني ماله قياس =يوم البهيمه ... يطبّل للبهيمه
[ رفيقي ] لايزعجك .. حاقد / وبلاس = يازين طبع البشر لولا النميمه
صدقني الشعر ماهو بس . قرطاس =[ الشعر ] تفريغ للنفس السقيمه
أبكتبه فيك . وتشوفه مع الناس = اسمح لي , والمدح في وجهك شتيمه