السلام عليكم ورحمة الله وبركاته
وكل عام وانتم بالف خير
اليكم الجديد واتمني من الله القبول لهذه المتواضعه
الشعر مابيه بفرح والضحك مابيه = اليوم ضربه موجعه وسط المحاني
في داخلي شيٍ خفي مدري شسميه = يغيب له ساعة زمن ويعود ثاني
اسوق جاهي للأمل واطلبه وارجيه = من باب .. مابعد العزاء غير التهاني
الحزن متراكم عليَ وشلون ابنهيه = وصفعات وقتي شوهت وجه الاماني
لو كنا مانحزن من الغدر وطواريه = ماكان وسط قلوبنا حب وتفاني
قولو لها ... كان انطقت في كلمة اشفيه = تعبان نفسياً من الوقت ويعاني
مطعون من غدر الزمن .. وانتى طعنتيه = أو فيه حل يثيرها لحظه .. ثواني ؟؟
قولو لها ... كاتب شعر جديد واقريه = وخلوها تقرى غدرها بين المعاني !!
كرهتها ... حتى اسمها ماودي اطريه = خلاص جاني من سببها ماكفاني
ماعادها وسعة صدر .. زحمة مشاريه = شرهه من أيامي وشرهه من حناني
بعض الاوادم يمتلك له عدة وجيه = ولا يعيش بهالزمن غير الاناني
لو تاخذ الغالى من عيالك وتعطيه = لا تنصدم ؟؟ لو قال والله ماعطاني