من يرسم البسمه على الشعب مضمون=تقدير شعبه في محيط أهتمامه
ومن عاش هم الناس لابد بيكون=طيب وطيبه وارثه من عمامه
ومن مدته تبعد هواجيس مديون=معلوم بعروقه تسير الشهامه
ومن يهدي الفرحه ومن فك مسجون=أشهد شهاده يستحق الزعامه
شيخـ(ـن) يمينه كنها ديمة مزون=شيخـ(ـن) ليا من قال يصدق كلامه
وكاد يستاهل من الشعر مليون=مقام سامي نفتخر في مقامه
يا طير مره وأصدح بصوتك لحون=ومن فوق قصره رفرفي يا حمامه
هذا سمو الخير لا دارت ظنون=شيخ الكرم والمرجله والكرامه
لا قلت أبو ناصر تفاخرت مفتون=في شعبه اللي مخلصين بغرامه
صباح الأحمد يا ذرانا من شجون=يا عزنا في وقت يرمي سهامه
يا سيدي تسلم يمينك وممنون=هديّتك سيلـ(ـن) حدر من غمامه
تعطي وغيرك ناس يا كثر يعطون=والفرق واضح بالكرم وإقتسامه
يا سيدي يا رمز الأمجاد وشلون=قدرت خطف قلوبنا بأبتسامه
الطيب دايم مع هل الطيب مقرون=وما كل قامه لا نوت قيل قامه
منهو.. يهونها وهي بأمره تهون=غير أنت ..يا عشق الملا يا مرامه
منهو.. يخلي الطفل في قربه يمون=غير أنت.. ماخذ بالتواضع علامه
منهو.. وقف في وجه ناسـ(ـن) يميلون=غير أنت.. يا درع الوطن يا حسامه
منهو.. مسح كفه على راس مغبون=غير أنت.. يا مجد الوفا يا سنامه
منهو.. أمر يحفظ للأجيال مخزون=غير أنت.. من خوف الزمن وأحتدامه
منهو.. هوته أرواح وعشقته عيون=منهو صنع سياسته بأستقامه
منهو.. يحافظ للمواصيل ويصون=ويسامر الشيبان في لعب دامه
منهو.. تعجز اليوم عن وصفه فنون=منهو يزور الناس حزة صيامه
منهو.. ومنهو غيرك إنسان بالكون=تزيد وقفاته ويكبر هيامه
غير أنت.. وإلا عقبك الطيب مركون=وعندك يا بو ناصر يكون إنسجامه
محبتك يا شيخ بالحفظ والصون=بالقلب من عمر الرضيع وفطامه
يالله عساك بخير وأيامك تكون=بأجمل فرح وبكل خطوه سلامه