حنا عوازم من هوازن و عدنان...
أولاد عازم من سلالة ربيعة...
تاريخنا معروف من ماض الأزمان...
و أنسابنا وسط القبائل رفيعة...
و عاداتنا مثل العرب دون نقصان...
نمشي بحكم الله و حكم الشريعة...
و صفاتنا بالحرب بالعون شجعان...
اللي يبي من حقنا ما نطيعة...
لفعولنا تشهد قبائل و عربان...
و اللي غزانا شاف منا القطيعة...
جانا الشريف و صاح بالجو عطوان...
و تعاهدوا آبان ما نط ريعة...
و من شاف فعل أجدودنا رد عجزان...
و خسارته وسط العوازم شنيعة...
و جانا الدويش و شب بالجو نيران...
و ضاقت على العدوان أرض وسيعة...
حنا حمينا الهضب و العد مران...
و يوم المعقل كل غالي نبيعه...
نسقي المعادي سم في يوم الأكوان...
كم شيخ قوم صاح عقبه رضيعه...
يشهد رضا و نقير و الأنس و الجان...