دوام الحال لا يمكن .. وأنا ودي على أية حـال = بعد ما صاحت ظروفك على فرقـاي وإلزمتـك
تنومس لإجلها فازع .. مثل ما يفـزع الرجـال = تخيّلها وهـي تحكـي عـن التوديـع زاهمتـك
رضيت بحكيها ساكت ولا تخشـى ردود أفعـال = حسبت إرضاي ظالمها .. وإهي بالصدق ظالمتك
علامك تعزف أيـام الشتـات بنغمـة الترحـال = وأنا اللي كلّت متونـي عقـب مجهـود لملمتـك
جفاك يبعثـر أوراق الحنيـن وينهـي الأمـال = صداه جروح بأبياتٍ عـن التجريـح حاشمتـك
حشى لله ما أسـوق الظنـون لخاطـر الجهـال = تـرى محـدٍ بينفعنـي ولا هالنـاس راحمتـك
ينام الشعر في حضرة جنابـك مستريـح البـال = تعود لا بغى يرقـد علـى حكايـات همهمتـك
كتبتك لين ما فقـت الجمـال ودفتـري لا زال = بقت له صفحةٍ تبغي توصـف مسألـة صمتـك
وراك تسلـم أتعـاب القصيـد لبعثـرة عـذال = بعد ما همت في خرس العيون وجيـت سلمتـك
جواهر هامت بروعة نحـرك وطرفـك القتـال = تثنت لك يا ملهمهـا وأملهـا تصيـر ملهمتـك
دخيلك قدر ظـروف الشعـور وبحّـة المـوال = مشاعر مزنهـا ودّه يـزور أزهـار سلهمتـك
بغيتـك تقبـل بنـورٍ يبـدد ظلمـة الأقــوال = جوابٍ من سنا ضيّـه يزيـح هـروج معتمتـك
تعال وثبت إرجاف الظروف ورعشة الإهمـال = مثل ما تثبت أعصابك إذا فـي يـوم خاصمتـك