شب نارك ياسعد وكثر حطبها=وعرف أن النار تالع من شراره
وضبط الدله وقدم لي رطبها=وعطني المركا وناوشني زقاره
وستمع فأبيات شعر(ن) من كتبها=مايشاور خلق ربي في قراره
المهار الشرد لامنه طلبها=حضرت له تارت(ن) من فوق تاره
القصايد وهبت(ن) والله وهبها=ماخذيناها سلف والا عياره
والمراجل كايده واللى رغبها=تتعبه لاصار ماعنده ضفاره
والرجل كلمة ( نعم ) وأن ماكسبها=عيشته في ذمتي وحظي خساره
ورفقة الطيب تنومس من قضبها=ترفع الرجال وتزود وقاره