*
*
*
الك الفرح والك الهنا والشقا لي
والك الزعل وانا علي السماحي
*
*
عليك ياللي كاوين خافقي كي
الين سدي منك يازين باحــي
*
طويت فكري يابعد خافقي طي
دايم افكر فيك ليل او صباحي
*
من بعدكم لاني بميت ولا حــي
صاحي ومنكم صرت ماني بصاحي
*
مغير افز بتالي الليل وابكـــي
مالي جدا ياكود كثر الصياحي
*
ابكي من الفرقا وانا مابدي شي
كل ماطرا فرقاك زدت النواحـي
*
علي تعــذب وانــت عــنه مقفـي
تسقيه من سمن بوسط القراحي
*
ارفق بحالي يابعد حالي اشــوي
من يًوم صـدك خافقي ماستراحي
*
اي والله اني فيك يازين مبلـي
متا تجي يازين تطلق سراحي
*
متا على الله ياريش العين بتجي
وتشوف حال اللي بفرقاك طاحي
*
اي والله اني يوم شفتك مــقفـي
خذت الفرح والضحك يوم المراحي
*
قلي بــعد فرقـاك وشهو بقــا لي
ضحكي واضنه بعد هالهرج راحي
*
مابــاقــس الا ذكرياتك حوا لي
تطري علي لامن دجا الليل لاحي
*
انشهد انك سابقن حاتم الطي
هو بالكرم انته بزود الجراحي
*
*
#علي_الخكيري_