المحاوره بيني وبين الشاعر : غازي المحيلبي
ايقول
الشاعر : جاسم بن مديعج
هلا يا مرحبا يـوم العـرب بعقولهـا تنقـاس = تقدم يالفطين ولـد عينـك والخطـا مفهـوق
انا شفت العرب تخطي وتنشب في حقوق الناس = عسا لك وجهتن ياصحبي يوم الحكـي ماثـوق
ورد الشاعر : غازي المحيلبي
يدوم لك البقا يلي شعورك للملا حساس = وأنا مدري حادك الوقت ولا ً محتديك الشوق
على هونك تركد والبشر فيها ثمان أجناس= تشابه مير يفرقها ذهين العقل بالمنطوق
رد الشاعر : جاسم بن مديعج
انا ماني هواوي ... والملا ماني بهم بالاس = ووقتي ماحداني يوم كلن في طريقه عـوق
تمعًن يوم خلق الله غدت في حزت الادماس = تمعن والرحا دارت على حقك بليـا رفـوق
رد الشاعر : غازي المحيلبي
مدامنك ثقيل الوزن خلك للعرب عساس = ولكن لا تجيب الحنظله وتخلي الرقروق
توصيني وانا عيني تشوفك مادخلها نعاس = ترا مثلك عليه أمن الرجال الحاضرين حقوق
رد الشاعر : جاسم بن مديعج
وردنا ياوسيع المعرفه يوم الضمـا حـواس = لفيتك بالفياض اللي بها نبت وبهـا زملـوق
وانا دربي قطرته .. ون قطرته ماغدا نكاس = وشان الحال يوم الرس طمن والذنب من فوق
رد الشاعر : غازي المحيلبي
بعارينك همل يابن مديعج ياعريب الساس = تجاملك العرب وأصبحت تاسم وسمنا فالنوق
عداك اللوم ياسالم بعد ما زعزعك جساس = يالين أصبحت مثل اللي تبيع وتشتري فالسوق
رد الساعر : جاسم بن مديعج
لون الحق يضهر ياعميلي من لغـى الانجـاس = فرجها الله وسار الحق .. يومن الحقوق احقوق
ولاكن الحلوق العوج ماهمـت رفيـع الـراس = عليك اللوم ياسالم .. غديت ابسيرت الطاروق
وسلامتكم