يا مرحباا فالجميع
ايقووول
كيف الفرح ياعين والقلب ماطاب =كيف الفرح والقلب همه سرابه
قلب العنى ياعين مبلي ومنصاب =يترك فجوج الله ويطرد عذابه
نصحت قلبي عن هواها ولا تاب = والحين مجروحٍ ولاحدٍ درابه
قدام يشلخ ثومة القلب مخلاب = مخلاب شيهانٍ عطيبٍ صوابه
يشهر وكنه داخل القلب لعاب = واليا تسلا فيه قفى وسابه
ياوجد حالي وجد مفتول الأشناب = من بعد طيب الفال وقته غدابه
أمن اولٍ سباق لطيب شبًاب = نارٍ تنومس فالضماير جنابه
وأمن اولٍ يهدي طويلات الارقاب =واليوم بين الناس رزقه هبابه
دمعه على خده من الضيم سكاب= دارة رحاة الوقة واقفى شبابه
توميبه الدنياعلى كل طلاب = طلابته كثرة على حيد بابه
ثم اعتلا همه على كل مرقاب = وبقعه على دربه تجر الربابه
هذا وجودي في هوى القلب لا غاب = والله يعين القلب فترة غيابه
أبو عيونٍ سحرها دون الاهداب =تودع رزين العقل يفقد صوابه
سيد العذارى لاحكى للحجر ذاب =منه الحجر يصبح بليا صلابه
منه العذارى تفرك الناب فالناب =سبحان منهو فالحلايا بدابه
احلا من السكر على شف شراب= واحلا من اللي يدعون الذرابه
فيه الدلع فطره بلاشك وعجاب = ماهو تصنع من هل الشرق جابه
ابو ثمانٍ لمعها برق وشهاب = كنه مظي ياقوت والنور صابه
يابو جديلن فوق الارداف جذاب = ارحم رحمك اللي شديدٍ عذابه
من غيبتك دمعي على الخد صباب = والقلب جرحه لدكاتر عدابه
هذا جوابي بعد ما عارضي شاب = ومن بعد ماحضي تبيَّن شهابه
وختامها تمت على خير وعتاب = من قلب مخلوقٍ نصوحٍ عتابه
وسلامتكم[/quote]