29-11-2009, 05:58 PM
|
رقم المشاركة : 1
|
|
(_ مــا فـــيـــك حــيـــلـــه _)
بالله يا ابن الناس ما ترحم الحال=وترحم عيونن باكياتن عليله
جيتك وانا في داخلي شوق وجدال=وهذي جروحي والحنايا دخيله
نطلبك ترجع من مساريك بالحال=لأن الحياه بدون شوفك مليله
مادام لك في داخل القلب منزال=يا وا هني القلب دامك نزيله
دايم تشربني من الكاس غربال=بالله انا بسألك ويش الحصيله
مادام وسط الحب شامت وعذال=مافيه عاشق مهتني مع خليله
الشوق ياخذني على ضفة الجال=وارسم غرامك في رماله واخيله
اتخيله بيتن ومن حوله جبال=ابغى وصوله مير كيف الوسيله
البيت خلي والمنيفات عذال=والحال من فرقاه واعزتي له
هذي النهايه مابها هرج و جدال=مع السلامه يا السنين الجميله
الي يصد يعود لو المدى طال=مير انت لا صديت ما فيك حيله
وســـــــلامـــتــــكــــم
التوقيع - فهد بن دواس |
من حبكم قلبي ترى وسطه احباط=كنه مكينة حب تصرف و تخلط
تعبت اسامح بك واصلح لك اغلاط=و المشكله ترجع بعدها وتغلط
|
|
|
|