يكثر مايطري على البال واخفيه
=في وسط قلبي كاتملي حقايق
بسباب خلن زايدن في تمدريه
=أدعج غنج مملوح والبال رايق
لجيت أسولف مقدر أني أطريه
=طاريه في وسط القلوب الغلايق
اخفي هواءخلي عن الناس وأكميه
=أخاف من هرجت حسود وضايق
ياناس جنسه نادرن وين ألقيه
=أن دجتله في السوق ولا الحدايق
مثله حرام اليوم مافيه مافيه
=قولن صحيح موثقن بالوثايـــــق
لاغاب عني يوم اقول وش فيه
=جعله سليم ولا تجيه العوايــــــق
وجهي يشين ويختلف في مواريه
=ماغير أهوجس دايم الدوم ضايق
ولايارجع مافي يديني اخليــــه
=وأقوم اسولفله وفيني حرايـــــق
هذا قصيدي جاك بلخط شاكيه
=اشكي عليك الحال من بال شايق
التعديل الأخير تم بواسطة سلطان الهدلاني ; 17-12-2009 الساعة 04:59 PM .