من باب لو تصبر ترى الايام والدنيا بخير = مات أجودي بالوقت والايام ضد الاجودي
أسنين عدت في حياتي وأتصبر وأستخير = وأنا مع جروح الزمن كل يوم أجدد موعدي
أمر في أزمه فكر وأدور الدرب اليسير = أصادم الايام وظروف الزمن تحدي حدي
يدفعني الاصرار والواقع وتحديد المصير = عندي قناعه والامل موجود ما كل أجهدي
كافحت صبري ماهقيت اللي يصير انه يصير = واقول يا حظ السعد طايح ولا بان أسعدي
رضيت باللي ماخذه وأقنعني الوقت الاخير = حققت لي غاية على دربي وعارف مقصدي
أقل حاجه في عيوني خيرها يسوى كثير = لو كان شح الوقت والايام ماشحت يدي
أخلصت مع نفسي وريحت المشاعر والضمير = وماعاد باقي لي عتب وياك يالغصن الندي
ياللي زرعت الجرح صار الجرح في عيني كبير = وأنا قبل جرحك طيوفك ماتفارق مرقدي
رسيت في بحر الجفا والشوق في دمي يسير =وعرضتني من عقب وصلك للزمان الجرهدي
في غيبتك ياريحت الكادي ويا ريح العبير = حتى البلد في غيبتك أحس ماهي ببلدي