بديت بسم الله اللي يحفظ أعباده=سبحانه اللي يصور كل ما كاني
ياساحة الشعر جمهوره ونقاده=هذي قصيده من ابداعي وقيفاني
عنوانها من مواطن عاشق ابلاده= يفنى عشان الوطن ويموت مجاني
هذي بلدنا غلاها الحب وزياده= والحب فطره من الله دون نقصاني
اي والله ان الولاء فينا على العاده= انصونها ونتكاتف ماحد ٍ خاني
في ظل شيخ ٍ رقا للعز وامجاده=صباح الاحمد ذرانا طير حوراني
شيخ ٍ شمخ بالنوايف ركز اشداده= يسعى ويتعب على شعبه ولا هاني
حاكم سياسي وحنكة راي وإراده=شجاع يحكم على عدل ٍ وميزاني
ماهي غريبه صفاته ورث لجداده=متوارثين الكرم والطيب عنواني
وحنا يمينه حماة الدار وزناده=لاصار بالجو بارود ٍ ودخاني
نجيه جيش ٍ نغيض عيون حساده =عدونا بالقا خاسر وندماني
بالحرب حنا جنود ابحكمة القاده= الشور واحد ولا نسمع لا حد ثاني
ياشيخ عم الفرح بالدار وعياده= وغنيت ماكان في صدري على ألساني
يا كويتنا عيدي ولج الفرح عاده=دام العلم مرتفع في كل ميداني
الله يحفظ البلد والشعب واسياده= ونعيش في ظلها والكل فرحاني