اقبل نسيم الصباح وغاب حس الظـلام=وانا من اليوم ساكت والذيـاب تعـوي
تفـردت كـل احاسيسـي وزاد الهيـام=والدرب لو طال ما وقف وعزمي قـوي
حاسب حسابي ولاني خايف الاصطـدام=لو ان ما عاد باقي لي رفيـق وخـوي
يا ناقل العلـم لا تكثـر علـي الكـلام=الوضع جدا ًصعب والليل ليـل سـروي
لو لا التواضع وحب الخير والاحتـرام=ما شفت للمعنويـه . دافعـاً معنـوي
ولاني بناقص مشاريه وعتـاب ومـلام=الصدر فضفض عن اللي كان به محتوي
يجرفني الشوق حتى اخر حدود الغـرام=اوصله ضامي واعود عقبهـا مرتـوي
ما شفت مثله وله فالقلب قـدر ومقـام=متحضر الشكل .. لكن الطبوع بـدوي
سافرت ادور على لحظة فكر وانسجـام=عن لجة المجتمع والصوت يدوي دوي
ما روق الخاطر المكسور من حول عام=ولافيه درب اسلكه . الا طلـع ملتـوي
يا راكب اللي تفج الغيم حسب النظـام=ما تقلع الا المحرك جاهـز ومستـوي
الادقم مبرمجه والجـو فـوق التمـام=لو ان كبدي شوته نـار همـي شـوي
من هو صنعها خذا التقدير واعلى وسام=عقله على كل فكـره مذهلـه مهتـوي
نصراني الدين ما صلى لربـه وصـام=لكن صنعه لـوى راس التخلـف لـوي
عليك يالشارع اللي كـل ليلـه زحـام=دارت عليك الليالي لين صـرت تهـوي
سقت القدم فيك حتى غاب حس الظـلام=وانا من اليوم ساكت والذيـاب تعـوي
وسلامتكم