الله اكبر كيـف تهجرنـي وتقطـع بالوصـال=وانا الذي لجلـك حياتـي ماحسبـت احسابهـا
ماكنت اصدق فيك عذال الهـوا واللـي يقـال=ماكنـت اخـاف الا تصـدق ماحكـى كذابهـا
البارحه واليوم مـدري حالتـي ماهـي بحـال=ماغير افكر فـي فعولـن ماعرفـت اسبابهـا
هذا وانا اللي ماعشقت الا انت ياسيـد الجمـال=وانت الحبيب اللـي عليـم بحالتـي وادرابهـا
طال السهر والعين ما نامت مع طـول الليـال=فتحتلـك بـاب المحبـه كيـف اصكـر بابهـا
ضربت لك في قمة الاخلاص يالغالـي مثـال=واركيت فـي قلبـي سعيـر النـار ياشبابهـا
الحب يبقى في قلوب الناس لـو البعـد طـال=فطره خلقها الله بوسط النـاس خـص احبابهـا
هل تعلم ان الحب فطره ؟ مابها شـك وجـدال=أو هل علمت ان الوفا اعجاب فاق اعجابهـا ؟
أو هل عرفت الفرق ما بين اللقا والانفصـال =فكر.. وتعـرف وش حكايـة طولـت بغيابهـا
ان كنت تدري .. ذي مصيبه عدت حدود الخيال=وان كنت ما تدري .. فوفر كلمتـك واعتابهـا
يعني كذا ولا كذا مـا فيـه حـل او احتمـال=خلاص خل السالفـه لا اسعـى ولا تسعابهـا
لا تفتكرني من ليا من رحـت صوتلـك تعـال=امـوت عـز وعزتـي مـا نوخـت بركابهـا
لأن القتاعه كنـز لا يفنـى ولا فيهـا مجـال=والنار ما تحرق سـوا اللـي فوقهـا ياطابهـا
ابي تعرف اني شديد الباس ما عنـدي هـزال=وانـي رقيـت القمـه العليـا ودوم ارقابـهـا
لكن عندي بالنهايه شطر فـي صيغـة سـؤال="من هو الذي غيري حياته ما يحسب احسابها" ؟
وسلامتكم .