احيان يصبح علي الصبح ما نمـت شـي=واحيان من ضيقتن بالصدر دمعـي يهـل
من طيبتي كل ما املك صار ماهـوب لـي=اركض ورى الوقت واثر الوقت مشيه عجل
اموت في كل ساعه بس مـا زلـت حـي=والفضل للخالق اللي عز من هـو سئـل
من شدة القيض ادور لي عن الشمس فـي=حتـى تغربـت عـن داري وكـل الاهـل
هي ضيقة البال مدري ؟ يمكن تكون هـي=او يمكن البرمجه فالراس صايـر خلـل؟
تعال ياللـي طوانـي لجلـك الهـم طـي=تعال مسموح باللي صار واللـي حصـل
ظلام ليل الموادع طال . والشـوق ضـي=مثل القمر يوم في عين السهـارى كمـل
غنيت لك يوم من فرقاك وش صـار فـي=اخر نتاج الهجوس اللـي قصيـده جـزل
لو اول الغيث قطره . اخـر الطـب كـي=ياليت تفهم حروف اخـر قصيـده عـدل
وســــلامـــــتـــــــكـــــــم