طافت ثمان شهور ما بين الرجـاوي والهمـوم=يالله عسـى الايـام تستعـدل وتاتـي خـيـره
اقوم واقعد واذكـر الرحمـن واستغفـر واقـوم=واخايل الذكـرى علـى حـد النجـوم النيـره
من وين اببدى وانتهـي بالله يالصـدر الكتـوم=الصمـت غيرنـي وانـا والله نويـت اغيـره
بالاختصار اليـوم هـذا غيـر ماهـو أي يـوم=راسي نويت ( ابرمجـه واضبطـه واعيـره )
والا انت يا هاجوسي الشامخ عسى عمرك يدوم=اليا بغيت تحيـر ( المعنـى الدفيـن ) تحيـره
انسان واملك ( طيبتي ) ماني مجـرد ومحـروم=ولو للأمل ما كانـت اكبـار الامـور صغيـره
اشوف واسمع واعرف ان الوضع ما يحتاج زوم=امـا تكـون مخيـره ولا تـكـون مسـيـره
لذا ليا من صارت الدعـوه سواليـف وعلـوم=هذيك صلف الريـح يضربهـا وذيـك مذيـره
بعض الاوادم ما عليه عتـاب جاهـل بالسلـوم=يعني ردي والا الـردي اقـوم والعـن خيـره
قبل اتعمق واقلب الدنيـا علـى روس الرخـوم=شخصيتي ما تسمـح اجـادل نفـوس مطيـره
صريح ما عندي فأحـد واقولهـا قـدم العمـوم=سميتها ( المتفرده ) ما هي لشخـص محيـره
دام الثمان شهور راحت فالرجـاوي والهمـوم=يالله عسـى الايـام تستعـدل وتاتـي خـيـره
وســــلامــــتــــــكــــــم