لي ثلاث ايـام والنـوم مـا مـر العيـون=الجروح اجداد والقلـب فيـه اللـي كفـاه
يا صدى صوت الشقا يا صدى جرح الطعون=يا لجيج الصمت والصمت كيف اسمع صداه؟
البقـا لله والـوقـت وردنــي الجـنـون=الحياه ايـام والضيـق مـدري وش رواه ؟
يوم اغني وارفع الصـوت واجـر اللحـون=اشهد ان القلب مجروح وابحـث عـن دواه
مـا تحديـت الليالـي اكـون او لا اكـون=كود ابـدل جـرح قلبـن تعـذب فالحيـاه
اعرف ان الهـم والغـم وانغـام الشجـون=ما ترد الخاطر اللـي سطابـه مـا سطـاه
واعرف اني للحزن صرت له افضل زبـون=مايخلينـي بحالـي وحظـي مـا نـسـاه
يا وجودي كل ما عشت في صمت السكـون=وجـد ذاك اللـي زمانـه تحـداه وعصـاه
والله اني عايـش بكـون والعالـم بكـون=ضيقتن ما ترحل الا علـى وقـت الصـلاه
ما يمون الوقت والوقـت لـو انـه يمـون=ما عرفنا لـه بدايـه قبـل نعـرف مـداه
عـزة النفـس العزيـزه فـلا والله تهـون=لو تعرضـت اللوافيـع مـن كـل اتجـاه
حثني ما حث راسـي هواجيـس وظنـون=منجـرف فالهـم يالله السلامـه والنجـاه
لو بغيت اعاتب الوقت يـوم أنـه يخـون=كان شفت دموع وقتي وضحك اللـي بكـاه
الزمن ساسـه ملامـه وجدرانـه سجـون=والقدر علمه من الغيب محـدن قـد قـراه
وســـــــــــــلامـــــــــتـــــــــكــــــــــــ ـم