الا ياهوى قلبي انـا حاضـر وممنـون=بما خاطرك يبغى ولـك كـل مـا املـك
انا والله اني صرت من حبكـم مجنـون=ليا رحت عنك . اخذ شـوي وارجعلـك
عليك ابدع الابيات عشق وطرب ولحون=وحقك علـي اروض القـاف وابدعلـك
ترى كل ضيقه غير ضيق الغياب تهـون=وماغيرها لو كان وش كان بسمـح لـك
فيا بو العيون السود ليلي سهر وظنـون=افرغ لك الاحساس بالعشـق واجمعلـك
غلاك اول امالي بـلا كيـف ولا شلـون=وكلام الصحيح ان جاك فأسمع على مهلك
ولاشفت مثلك فالعرب واحـدن مزيـون=ولاشفت من بين المـلا واحـدن مثلـك
ولو ان قلبي من سبب نظرتك مسجـون=ترى القلب من نظرة عيونك تحيزم لـك
عشقتك وعشقي غير والناس ما يـدرون=تكفيني البسمه علـى وجهـك وشكلـك
وسبحان من يعلم ويعرف خفايا الكـون=مصورك فأحسن خلق والزيـن محتلـك
انا من كثر ما اغليك يا سدي المكنـون=عجزت اتكلم عـن غلاتـك واوصفلـك
وودي اعبرلك عن احساسي المشحـون=على شان احدر لك قصيدي واطيـر لـك
يكفيك عن كل الحكـي زبـدة المظمـون=ويكفيك . قلبـاً يحتـرق منـك ولجلـك
وبعض البشر ماله طعم فالحيـاة ولـون=ليا جاك يقعـد فـوق كبـدك وينشبلـك
اقدم لك احساسي بـلا منطـق وقانـون=عسى بس تقبل كل ما كـان اقـدم لـك
ولأني اشوفك غير والقلب لـك مرهـون=من اول لقا لليـوم وانـا اتشفـق لـك
ودمـتـم سـالـمـيـن