بسم الله وعلى بركة الله
ترحم علي يـا وقـت بالله واعتـرف=ليا صرت مـن فعـل الزمـان قتيـل
من العام اصاحب ضيق واحايل السهر=وجسمي من اللـي لاج فيـه عليـل
تطوف الدقايق واسود الليل مستمـر=وانـا يـوم اخليهـا ويـوم اشيـل
تعلمـت مـن دق الليالـي وجلـهـا=ولا اميـل لـو ان الزمـان يمـيـل
فو الله ماحديت نفسي علـى العـرب=ولا كنت مـع طـول الليـال ذليـل
ترى الرجل لا ضاقت ولا قام وارتجل=فلا لـه مـع قسـم الرجـال جزيـل
عفى الله يا وقتـن كثيـره مصالحـه=ولا عاد مـن زرع السنيـن حصيـل
وانا قبل ادرجها على كاهـل الزمـن=سنا بـرق وعيـون العبـاد تخيـل
احـب الكـرم والحمـد لله مقـتـدر=ولا اصاحـب اللـي فاللـزوم بخيـل
ومن الحظ ما غنيت دالـه ومنطـرب=مـع كـل ليلـن بالهجـوس طويـل
ترحم علي يـا وقـت بالله واعتـرف=ليا صرت مـن فعـل الزمـان قتيـل