الحظ بيت الوصول وضحكة اصحابه = يسقيك لامن ضحك لـذة مشاريبـه
ياخطوة الحلم سيريبي علـى بابـه = ثم اتركيني على حـروة مقاضيبـه
صاحبك ضاعت حياته في كنف غابه = مايتقن الكذب وعلومـه واساليبـه
ياخطوة الحلم لو تدريـن ماصابـه = كان استحيتي وصرتي من معازيبـه
كان الشعور بقدومك حلـم ينتابـه = وتضيع الامال... وتعكر مشاريبـه
شوفيه جالس وحيد وحزنه أولابـه = شوفيه يسرح به التفكيـر ويجيبـه
لا جا من الحزن يقتل فرحة احبابـه = وان راح حرفه يعيش بقلب اصاحيبه
وده يفسر غموض الضيق واسبابـه = وبسمات الايام تبعد لوهـي قريبـه
لو كان شعري حضوره يشبه غيابه = ماكثر الحسد فـي طعنـة محاديبـه
ولاجيت ابكتب قصيدة عشق كذابـه = اعيش فيها واذوق المر وارضيبـه
مايفقد الشعر عندي كامـل انصابـه = وانا احترم صورته وادمح عذاريبه