يا العارضه ماهي شهامه خذلتيه =لاجل يتزايد بالخساره نحيبه
عليك لومي والعتب والمشاريه =وعليك لعنات القلوب العطيبه
خليه يثبت للجماهير خليه =باقي هدف والحظ عيا يجيبه
سددها من قلبه ومن حر مافيه =بأخر دقيقه ليتها من نصيبه
لو فيك ذره من حيا ماتركتيه =يذرف دموعه من سبايب لهيبه
شوفيه دمه تارس الوجه شوفيه =معذور من حب الكويت الحبيبه
هذا عجب مهما بظلمك ظلمتيه =رجل المواقف والصفات العجيبه
عسا الولي من عين الاشرار يحميه =ويبقى ذخر لاجل الكويت الحبيبه