راكب اللي صممت من بحوث ومن دروس=من بنات الريـح واللـي بغاهـا شالتـه
المحـرك منتظـم والتوايـر مـا تلـوس=لا اعتلت صوب السما كل نجمـن طالتـه
قادها الطيـار ومساعـده والجـو كـوس=والله يعيـن الشقـاوي ويرحـم حالـتـه
كم تضيق نفوس وتحارب الضيقه نفـوس=وكـم اوادم تطلـب المجـد حتـى نالتـه
هيه ياللي تحسب الطيب في صرف الفلوس=ما سمعت اهل المثايـل وماهـو قالتـه ؟
والرفيق اللي بوجهي غدا وجهه عبـوس=ما صدمني غير مـا قـال فـي رسالتـه
دام عكر صفوة الماي يـوم انـه يحـوس=الحبـال اللـي توصـل تـراهـا فالـتـه
ما يحب الـذل ياكـود اشبـاه الجنـوس=والـردي ماهـو يدنـس سـوا سلالتـه
قلتها والطيب اللي علـى الكايـد يـدوس=ومن سكت بالحـق يالله تغيـب اطلالتـه
من طناخة راس يوم استوت بالحق روس=الردي ما عاش مـن هـو تحـت كفالتـه
وســــــــــــــلامـــــــــــــــــتــــــــــكــ ـــــــــــــم