لو تعرفين الشوق وش كثر حراق=
في غيبتك ولع بقلبي حريقه
صبرت مير الصبر ماعاد ينطاق=
والصبر مر للصدور الغليقه
إن قلت لي مشتاق بالحيل مشتاق=
اشتاق لك بالثانية والدقيقه
حبك سكن في وسط قلبي بالأِِِِعماق=
وجروح قلبي من غيابك عميقه
لمشاهدك في ذمتي حيل شفاق=
أرحم عسى يرحمك رب الخليقه
حبك مثل طفل غفا بي ولافاق=
عجزت غرابيل الليالي تفيقه
وشوفك مثل نجم بعيد وبراق=
شوفه يسليني وما احلى بريقه
كأنك بوسط القلب حطيت دقاق=
قطع شرايين الحشا والعليقه
هذي هي الدنيا مواعيد وفراق=
عندي تساوت بين حلم وحقيقه
خالد بن متروك