الصمت حكمه والحكي من تنلام=احسب احسابك قبل لا تبتلابه
ودك اذا في مجلسك شخص نمام=تحشم جنابك عن تسٌمع جنابه
وودي لسان الكذب يقطعًه صمصام=عشان ماينطق بكذب(ن) حكابه
الكذب شره يوردك نار وحطام=في يوم كل(ن) فيه يلقى حسابه
والصدق مثل النور جلااي الاظلام=ياطيب نهج الصدق واللي مشابه
المجتمع مابين عايل ومنظام=وكل(ن) على بلواه مجُهد ركابه
البارحه لديت عيني للاعلام=ولقيت فيه الناس ماهي تشابه
ناس(ن) عشان الصدق تكتب بالاقلام=دايم عشان الحق تبدا الحرابه
وناس(ن) مشت في درب تاليته اوهام=مثل اللذي هالك ويطرد سرابه
المدعي بالظلم له قلب وينام=اشلون راع الظلم نومه هنابه
امشي مع ناس(ن) عزيزين وحشام=اتوقر العاقل وتحشم جنابه
ولا الردي دايم انا معُه بخصام=وهذا ترا مؤجز برد الاجابه
المسلم اسلم قبل تحطيم الاصنام=والمصطفى ياسعد منهو اهتدابه
والكافر اعرض واصبح ايعض الابهام=ويلوم شيطانه ومنهو هقابه
الحمد لله معتنق دين الاسلام=ولامن لحقني ضيق باقراء كتابه