الله يعز المملكه ويحماها ...............الدوله اللي كلنا في حماها
الدوله اللي منبع الوحي منها .............أموت أنا فيها وأقبل ثراها
دار غلاها داخل القلب يسري .............يمشي مع عروقي ويرجع معاها
دار السعوديه عسى صادق الخير............يسقي مناطقها ويسقي قراها
لي الفخر لا قلت أنا أصلي سعودي...............أفخر بها وأنا وروحي فداها
يكفي فخر بإن الحرمين فيها...............هي قبلة الإسلام كل نصاها
في ظل شيخ المرجله والكرامه...............عبدالله اللي زادها في حلاها
يسلم لنا صقر العرب والعروبه....................يارب تحفظ من بعدله ولاها
مليكنا اللي قادنا للمعالي................وبسياسته حتى الجهاله محاها
وأهتم بالتعليم وأسس فروعه ................وأهتم بالصحه وعزز قواها
وراعا كبير السن حتى اليتامى .....من طيب أبومتعب بطيبه حواها
خلى الأمن في كل ديره يسودي...........وعزز علاقات الدول وأمراها
مشى على نهج الرسل والصحابه.........وقضى على الفتنه وهي في صباها
وخدم بيوت الله وبالخير قايم .........وفعايله بالناس محدن حصاها
وسلطان أبو خالد عساه بسلامه............ولي عهد الدوله اللي رعاها
أدعو عسى يرجع لنا بالسلامه............ويعود أبو خالد لدار بناها
وسلمان أمير العاصمه جعل ربي............يحميه من شر النفوس وبلاها
وحكامنا الباقين والنعم فيهم...............هم ذخر للدوله وستر وغطاها
وشعب السعوديه على العهد وافي..............وكل عام يتجدد وسطهم وفاها
وختامها ياأخواننا أدعو وقولوا ...........الله يعز المملكه ويحماها