فرحان ياصاحبي كل العوازم معك
نرخص لك أرواحنا والله ياالملعبي
بأصواتنا والرسايل للعلا نرفعك
دام الدعاوي رسايل فأبشر بماتبي
مادام خلفك قبيله فاللقا تنفعك
فأبشر ولك ياسليل المجد ماتطلبي
نوعدك بإنا نصوت لك ولانقطعك
نضغط ثلاثين والحاسد عساه يهبي
أرقى وحنا لقمة ماتبي ندفعك
نبغاك يابو محمد توصل المطلبي
من يمنعك يابن هملي قول من يمنعك
دام أنت شاعر دليلك كل ماتكتبي
ودام أنت شاعر وتطرب كل من يسمعك
بإذن الله إنك تفوز وتاخذ المنصبي
وبإذن الله إني أشوفك رافعٍ إصبعك
ونقول لك ألف مبروك وذا المكسبي
وتفوز بالمركز الأول وذا مطمعك
ونحمل معك بيرك المليون في بوظبي
المملكه والكويت أحساسهم يتبعك
والبيرق اللي مع إبن حجاب له نرقبي
لكن توكل على الله كلبونا معك
نضغط ثلاثين ونصوت ولانتعبي