بديت بسم مصور الكون تصوير=الواحد المعبود رب البريه
سبحان من لجله تصف الطوابير=ويذكره عبده كل صبح وعشيه
من بعد ذكر الله نسوق التعابير=من هاجسن مدات جوده نديه
سلام ياشيخ الكرم والتباشير=ياللي فعولك بانت بكل هيه
يانصاك ياللي مدتك مدت الخير=من دون دارك وقفتك عالميه
وافي خصال ولا يجي منك تقصير=اليا طريت اتسر نفسن شقيه
سالم اخصك بالبيوت المسافير=لا شاش راسي بين هذي وذيه
انشهدنك من شيوخن مناعير=ال الصباح اهل العزوم القويه
تاريخكم ياشيخ يهدي تقارير=عن الكرم واخصال طيبن وفيه
وفيك التوضع غير كل المشاهير=من صافح ايدينك الا واهنيه
يابو علي والله لولا المعاسير=في جيتك لا ذبح قعودن هديه
جيت الكويت وغردن العصافير=ياعل يخطنك سهوم المنيه
انا احمد الله عد وبل الشخاتير=رديت سالم للنفوس الزكيه
شعب الكويت اللي يكب المعاذير=مايعتذر ويجيك نفسه رضيه
لانك بعينه غير ياسيدي غير=حبك بوسط القلب سوى سويه
حبك مثل حب البدو للمغاتير=يحفظك رب الكون من كل سيه
ياشيخ فيني اهموم ورد ومصادير=الهم شمس وجيتك ظل فيه
البارحه دورت للحلم تفسير=حلمن يراودني وانا وش بديه
العين تشفق للدلال المباهير=في صحصحن مافيه نفسن دنيه
وشوف الشعل وسط الفياض المخاضير=يسوى هروج اهل النفوس الرديه
مابين رقروقن وربل ونواوير=اسج وانسى ماينكد عليه
حلمي مثل قرطاس وسط المعاصير=حلمن حلمت وشخص مثلي ضحيه
وختمها وعدد مارفرف الطير =صلوا علي اللي خص الله نبيه