قصيدة ((( فالح بن معترم العازمي)))
انا غشيم الحب من يوم حبيت=جاهل سلوم اهل الهوى والمحبه
يضيق صدري كل مصبحت ومسيت=جمر الغضى في وسط صدري مشبه
من سبت الاشواق ياكم تعنيت=اسوق رجلي ومطلبي بس دربه
يابدر لا لا تلومني لاستخفيت=الزين يلعبي وقلبي لعبه
بديت لك سرن بالابيات بديت=الحب جرح وماعرفنا لطبه
ان قلت لي وش صار بقول سويت=سويت لجل الحب سايسان صبه
اشرح لك احولي وانا اقول ياليت=يرجع لي اللي كل نبضن يحبه
رد (((بدر بن عطيه المزيني)))
كانك غشيم الحب لاويش طبيت=بحر الهواء مقرود منهو يطبه
ان كان به غنيت ولا استجنيت=كلن على ماقيل يجزى بذنبه
يصاحبي فالح مدامك تحكيت=لازاد فيك الشوق داري وخبه
وخف القدم ياذيب لامنك مريت=خلك الى مريت دربه تكبه
ماني انا لايمك لاقلت عانيت =الحب نارن كل ريحن تهبه
ان كان سيسانك سليمه فذا البيت=اجل علامك تشتكي بعد قلبه
ماكنت ابا اتمنى ولا كن تمنيت=ان الهوى في يوم محدن نشبه