قصيده من / بدر المزيني الحربي
جريت صوتي والقصيده سياسه =عفت الغزل من يوم عافه هاجوسي
والفكر مانرضا عليه الحراسه =الحر يبقا حر لوهو محبوسي
ومعاد يطربنا خطاب الحماسه=اللي ماشفنا منه شي محسوسي
ومعادني بدرس ولاابغا الدراسه=اخذت من دنياي معضم دروسي
يافالح الاوضاع فيها التماسه= وحنا بهدنيا نضيع ونحوسي
ابوشهر فصل وثوبه مقاسه=مستورد لظهران خياط روسي
يبغى بلده ايصير فيها انتراسه=ويشب نارن مثل نار المجوسي
يظهر لنا طيبه وفيه الخساسه = ويضحك لنا سنه وقلبه عبوسي
والمشكله معروف فكره وساسه =والله يعلم مانكتم بالنفوسي
هذا الصعيد العالمي وانتكاسه = غدو العرب لعبه بيد النجوسي
رد : فالح بن معترم
جريت صوتن جاوبه انعكاسه=صوتن من الضيقه يجيك امعكوسي
شقول في وضعن رضى بانحباسه=يالين كلن صار فوقه يدوسي
راح الزمان اللي بها الدين باسه=باسن يعجز كل وجه امعفوسي
والله لو تلبس عربنا لباسه=لاكان صار الوضع وضع مغروسي
مغروس بالجاهل وثابة براسه=واليا كبر يكبر معاه ويقوسي
يقوس مايحصل بفن وفراسه=هذاك من يلبس اخيار اللبوسي
يابدر والله مابغينا إعساسه=المشكله من جمعهم للفلوسي
اعلامنا من بين خبث ونجاسه=واللي لهم سلطه رضم بالتعوسي
لا ياعرب ياللي تبون الوناسه=اصحم ترانا وسط طين مخفوسي