بسم الله و الصلاة و السلام على رسول الله ...
قصيده لطالما اضاعت في الوقت الاخير و نسبت لكذا شخص و هنا القصيده و الرد عليها ..
ارسل الشاعر سالم بن مبارك الخضير الهاجري هذه القصيدة الى المرحوم الامير عبدالله بن مجبل الشتلي العازمي
ياباغي الكيف سير يم عبدالله ،،
الطيب اللي قراباته يرودونه
لا جيت عينت عنده صافي الدله،،
جعله بعد من يصك الباب من دونه
له مجلسن يا عدس(1) من جاه ما مله ،،
جعل الرديين يا بن حسين يفدونه
وقولت بعد مرحبا واهلين طبعن له ،،
سلمن لبوه القديم ويتبع فنونه
مجبل عسى جنة الفردوس مأون له ،،
الشايب اللي بني عمه يحبونه
من لابتن بالملاقى ما بهم ذله ،،
ومن يوم ربي خلقهم ما بهم خونه
الصدق ينقال والشاهد عليه الله ،،
والكذب لا قيل كل الناس ينفونه
(1) عدس / هو عدس بن حسين العجمي رحمه الله حينما كان من رواد ديوان عبدالله بن مجبل
وحيثم وصلت القصيده الى المرحوم الامير عبدالله الشتلي سمع بها الشاعر عمعوم بن دغيم المحيلبي العازمي فرد على الشاعر سالم الخضير
يا محلى اللعب لاجا اللعب في حله ،،
والناس لعبن على المعنى يحبونه
اللي تجي سالم بن خضير لي قله ،،
شاعر وله كلمتن بالشعر موزونه
يفداه رجلن تجي في كلمته زله ،،
اما تعدا الهدف والا قصر دونه
يالهاجري كسبت المعروف طبعن له ،،
تقول والناس قدامك يقولونه
يالهاجري تمدحه والمدح كفون له ،،
محصل ونعم قبل انتم تعرفونه
انتم بني هاجر اللي تحرق الدله ،،
يا سعد منهو من العالم تخاوونه
هواجرن سالمين من الردا كله ،،
حريبكم ما يذوق النوم بعيونه
حريبكم تخرون بكبده العله ،،
يبطي وهو من سببكم يشكي طعونه
وليا عقد عقدتن ما هي بمنحله ،،
يحلها طيب والا انتم تغصبونه
و دمتم سالمين
رحم الله الجميع و اسكنهم فسيح جناته
محمد الشتلي