15-05-2010, 01:40 AM
|
رقم المشاركة : 1
|
|
ياعيشت الفقران ياذل ابوفلوس
ياعيشت الفقران يـاذل ابوفلـوس=الى متى تاقف علـى راس بابـي
مليت اجامل فالزمن كل طـاووس=يشوفني شـوف النمـل والذبابـي
وانا عزيز وعزتي تنطح الـروس=ولولا جيوبي مـا يهـز انتصابـي
تكرهني الدنيا وانا حـب لنفـوس=اللي خذت مني خطاي وصوابـي
وعذالي اللي ينخروني نخر سوس=مافادهم كثر الحكـي فـي غيابـي
راحت سوالفهم على دورت الكوس=وتطايرت مثـل الهبايـب هبابـي
لايابعدهم كلهـم منـت محـروس=صيده وتطمع في عشـاك الذيابـي
قلبك دليلك والزمـن كلـه دروس=ومغنيك ربي عن نصايـح جنابـي
اماتعلمت بحياتـك مـن نحـووس=والا تذوق مـن العـذاب العذابـي
التوقيع - فهد سالم الحيص |
|
|
|
|