عرفت الصديق من العدو ساعة الشـدات=
وعرفـت ان سعي العبد للشيمه الشيمـه
فلا فايدة في حي يحسب كما الامــــــوات=
اذا مــات قلب الشخص ماتت مفاهيمــه
عديم المروة والله ان للزمــــــــن دورات=
لابد الهبوب يهب ويجلي الغيمـــــــــــه
وقفنا معك يوم الزمن بين ود وهـــــــات=
مواقف رجـــــالٍ تعرف الحق وتقيمـــه
وهالحين صرت بصف ناسٍ لهم غايـات =
وراك وبنــــــــوك بمالهم بنية الخيمـــه
عساها عوافي لك عطاياهم الجـــــزلات =
وخلك على هالحــــال عايش بلا قيمـــه
ليا اقبلت كلن طلع اللي معــــه بسكــــات=
اخذ واسترح وادفع عن المرجلــــه بيمه
وحنا على عز ومعزه وعــــــــز الـذات=
رضينا بما جاب الزمــــــــان ومقاسيمه
وربينا نرز الروس ونبعد الــــهقــــوات=
ولانلتفت في غشاش الارض ومهاشيمه
وعيب علينا تخضع النفس لــــو لحظات=
سوا لله اللــــي جل شانــــــــه وتعظيمه
لنا في زمان اليـــــــــوم ولنا بزمانٍ فات=
ذكر بالوفا والطيب والشــــــوم والشميه
نعد الرجال رجــــال ونقدر العنـــــــوات=
ولا نحلل اللــــي بين الشـــرع تحريمه
لاكن بانصحك باخر شطر وآخر الابيات=
تصلي الفرايض كـــم ركعـــه وتسليمه
حمد الجودان