عرفت الصديق من العدو ساعة الشدات=
وعرفت ان سعي العبد للشيمـه الشيمـه
فلا فايدة في حي يحسب كمـا الامـوات =
اذا مات قلب الشخـص ماتـت مفاهيمـه
عديم المـروة والله ان للزمـن دورات =
لابـد الهبـوب يهـب ويجلـي الغيمـه
وقفنا معك يوم الزمن بيـن ود وهـات =
مواقف رجـالٍ تعـرف الحـق وتقيمـه
وهالحين صرت بصف ناسٍ لهم غايات =
وراك وبنـوك بمالهـم بنيـة الخيـمـه
عساها عوافي لك عطاياهـم الجـزلات =
وخلك على هالحـال عايـش بـلا قيمـه
ليا اقبلت كلن طلع اللي معـه بسكـات =
اخذ واسترح وادفع عن المرجلـه بيمـه
وحنا على عز ومعـزه وعـز الـذات =
رضينا بمـا جـاب الزمـان ومقاسيمـه
وربينا نرز الـروس ونبعـد الهقـوات =
ولانلتفت في غشاش الارض ومهاشيمـه
وعيب علينا تخضع النفس لو لحظـات =
سـوا لله اللـي جـل شانـه وتعظيمـه
لنا في زمان اليوم ولنـا بزمـانٍ فـات =
ذكر بالوفا والطيـب والشـوم والشميـه
نعد الرجـال رجـال ونقـدر العنـوات =
ولا نحلل اللـي بيـن الشـرع تحريمـه
لاكن بانصحك باخر شطر وآخر الابيات =
تصلي الفرايـض كـم ركعـه وتسليمـه