بين القهر ومشاهد الدمع لا ثار
ودموع عينه في يميني كفنها
حل الفراق وعادت الوقت دوار
ومن ضمته سود الليالي حضنها
يا بنت انا ما جيت ادور للاعذار
ماني من اللي كلمته ما وزنها
قالت نويت البعد يا نسل الاحرار
ليه الزمن يخطي وانا ادفع ثمنها
قلت اسمعي والهرج من بيننا حار
خلي طيور البعد تعزف لحنها
اخذي كلام اللي له ايام محتار
صاحبّك حتى بسمته ما ضمنها
حالي مثل عودٍ علا عدت اشبار
اغلا بناته في يدينه دفنها
قفي عسى دربج تساقيه الامطار
وجعل الغيوم المبرقه في وطنها
راحت واهي تبكي على كل ماصار
خبري بها تلعن بقايا زمنها
قفت واهي تدعي بقصاف الاعمار
وكل الذي في يدّها طاااح منها