السلام عليكم ورحمة الله وبركاته
.
.
مايقهرك عند زحول الرياجيل=كود الخبل لا طار فوق السحابه
خبلن بليدن مايحشم الحلاحيل=خبيث باب الخبث ماسد بابه
يحط في هرجه على الناس ويشيل=غرز حفوق الناس في حد نابه
دفشن ضعيف كل ما وقف ايميل=رابي على الهزلات من جد جابه
في باله ان المرجله القال والقيل=وغتره ومسباحن ورزت اثيابه
هذا هو اللي يدبل الكبد بالحيل=لاشفت خبلن يعتزي في عصابه
مايدري ان المرجله للمشاكيل=اللي لهم رايات عز ومهابه
اهل الشجاعه متعبت قحم الخيل=لامن عوا ذيبان يلقا ذيابه
وانا احمدالله دام صارت تساهيل=وافي ولي بالطيب ربع وقرابه
احشم خصيمي ونطح الضيف بالهيل=وقدح على الجزلات لو هي سرابه
وكرم وقدم في صحوني من الحيل=ودهن ودسم واحترم كل لابه
عندي سلوم الطيب عرف وتماثيل=ارقا ولا في شي احسب احسابه
عادات وسلومن تناست مع الجيل=راحت وكلن طاب عنده شرابه
.
.