قريحتي نامت لها شهـور وليـال = واليا صحت تنقا البيوت الجزالي !
كبرتك بعيني قبـل تلبـس الشـال = فطره مـن الله العزيـز الجلالـي
بهرتلـك دلّـه وبعطيـك فنجـال = ولا عاد تنشدني عن علوم حالـي ؟
واليوم مالك بالحشا عرق مدهـال = والنفس عزتها علي !راس مالي ؟
يا صاحبي حديتني لشهـب الـلال = ومن غيبتك في ذمتي ضاق بالـي
ضيقة صدر وهموم والبعـد قتّـال = ما طيح لـو همـوم قلبـي ثقالـي
صحيح من صدتّك ضيّقت رجّـال = لكن على الله يا صـدوف الليالـي
تبا الصراحه كلمـة الحـق تنقـال = الريح ماهـزّت طـوال الجبالـي
واللي جنيته منّك ضيقـه وغربـال = هـذا حصيلـي منـكْ وعزتالـي
والدمع لامن رحت لا تحسبه سال = ماتدري إن الصدر باقـي شمالـي
ولا جابك الطاري صحيح المثل قال = ( مال الحمول الا ظهور الجمالي )
عرضتني قيضك ولا فيـه مقيـال = والحين ! مالك وسط قلبي مجالـي
خلاص ماني راجي ٍ منكْ مرسـال = ولعاد ترجي مـن وراي اتصالـي
مدامها صـارت سواليـف عـذال = إشبع جفا لو كنت بالحيـل غالـي
لكن بعد درب الجفـا بيننـا طـال = إسمع لهذا البيت لو كنـت سالـي
اللي حفظته بالحشـا رقـم جـوال = من كثر مادقْه حفظته في بالـي !
إشبع جفا لو كنت بالحيل غالي !!
( تقرير عن مشاركة مخالفة ) ، و الموجودة أسفل كل مشاركة .