الفكره اللي تراودني وجنبها = معاد لي صدت ٍ عنها وبكتبها
شاعر واذا هاض هاجوسي وانا محمد = بنات فكري تلاعبني ولاعبها
شاعر ومبدع ولي جمهور يعرفني = مانيب حيّ الله اكتبها واخربها
لكن ابدخل على الموضوع وفرّه = والناس مابين صادقها وكاذبها
والا انت ياللي جفيت وطوّل غيابك = ارجع على الذاكره واقرى مكاتبها
إن كان مانيب أول شخص حبيته = قصيدتي لا قريت ابياتها اشطبها
يا لعنبو جد جدّك كيف تنساني = والناس لناس ماتدرك مطالبها
وإن كان غرّك كلام الناس عزيلك = دور نصيبك وشرقها وغربها
سبع إسنواتن غلاتك حايفه صدري = اي والله إني مازلت اونس مضاربها
صبرت لين الصبر بين على وجهي = والنفس عقبك ما تلقى شي يطربها
مانيب ميت عقب فرقاك يالغالي=لكن صدّتك هذي وش سبايبها
وحتى قصيد الغزل معادني صوبه =والناس تكرم لحاها من شواربها
وختامها شطر واحد وانت فاهمني ..؟ = جيّتك معاد تعنيني ولا احسبها
ان كان ماني بأول شخص حبيته
( تقرير عن مشاركة مخالفة ) ، و الموجودة أسفل كل مشاركة .