انتي وانا من عاد عصر الطفوله = (عشاق) مهما صار مقبل بك السوم
انتي منى قلبي .. يابنت الحموله = ودون اللقى ما عانقت عيني النوم
ابقى على عهد العيون الخجوله = أللي ليامن غبت تلحقنّي اللوم
حتى قصيدي فيك عرضه وطوله = يفداك كله لو انا منك محروم
وبديت لي جوله ولا أيات جوله = لو كان حظي من عنا الوقت مخدوم
يومن غيرك ما تمنى وصوله = واليا دعاني قلت له ما اقدر اقوم
اطنشه لو كان طرش رسوله = وباب المحبه منقفل عندي اليوم
وان كان صرتي بالمفارق عجوله = دربك خضر واللي حصل شي مقسوم
ماكل ما فالبال نقدر نطوله = وصدور خلق الله سواليف وعلوم
صحيح ما وياي كاس البطوله = لكن اعرف /الطيبه / وافرق السوم
شاعر ولا انتي طال عمرك بحوله = وماكل من طب البحر يقدر يعوم
والرجل لا خالف كلامه فعوله = اصبح وجوده مع هل العرف معدوم
عصـر الطفوله
( تقرير عن مشاركة مخالفة ) ، و الموجودة أسفل كل مشاركة .