عـطــرها يـفـوقـهــا " إلى ناجي "

[الشاعر سعود الغريّب]

عـطــرها يـفـوقـهــا

السلام عليكم

يااخوان اعتذر منكم لعدم ضياغة القصيده بالشكل الصحيح والآن تم تعديلها وتنسيقها بالشكل المطلوب

اسلم على الاخ ناجي

قـال الغـريّـب قـبـل يـاتـيــه الـقــدر = سـنــت إلــه الخـلــق فـي مخلـوقهـا
فـــرايــدٍ دونــتــها فـــوق الســطــر = وجهـتهــا لـلـي يعــرف طــروقــهــا
ناجي ضويحي اليا تلعثمت الحلـوق = ينطـق الـيـا خرس القلـم وحلوقـهــا
بـوسيــف رزّزت الـهجـارس ذيلهـا = بالكــذب ويقـود السلف مطفـوقـهــا
الداخـليــن الجـاهــلـيــن الكـاذبـيــن = يـا جــب تخيـط بالخـيـوط شدوقهــا
تنــازعوهـا فـوق صفحـات الــورق = هــذاك يـرفـعــهـــا وذاك يعــوقـهـــا
ذيـك الرحـول اللي تشيــل الراحليـن = هــذا تـرحــلـهــا وذاك يـسـوقـهــــا
أحمـد رحــل وانــا وانـت بسـاقــتــه = ومـن بـعــدنا تـبـي تبيـن فـتـوقـهــا
الـبـاشـق وغـربـانـهــا تـنـاعـــقـــت = ونـدر الحـرار مـربـطـة بسبـوقـهــا
الله يـسـتـر مـن زمـان يـبــي يــجــي =بوسيف شوقي أنت وانته شـوقـهـا
وش هقوتك فيما تشوف وما حصـل = فـي دثـرة تـرمــي علـيـنـا علوقـهـا
حــنــا بـحــال وهــم بـحـال ووقـتــنـا = ما هو ب يسمح في مساوم سوقهـا
يا ناجي ضويحي مضى أحمد فزعتي = يـا عـزوتـي بعـده كفيـت صفوقهـا
يـا الفـارس المقـدام يـا فـرز الوغــى = يا اللي عجاجك ما يشـق شقوقهــا
انته يـا بوسيف عوضـي بمـا مضــى = بالغـاط وأهـل الغـاط والـلي فوقهـا
نعـم بـأهـل الـغـاط نـسـل الأكـرمـيــن = قـومــي وحـنـا حافـظيـن حقـوقهـا
عـنـيــت لـك يـا نـاجــي ضـويـحـــي لأجل=انته تعرف طروقها وعموقها
يـا شـاعـر يـرزم بعـالـيـة القـصـيــم = يا شمس تشرق قبل وقت شروقهـا
عـنـيــتــك بـمـثــايــل مــغــلــوقــــة = وارجـو عسـى تفـك بعـض غلوقهـا
بالـرمـز بالـعـنـوان يـا ذرب الـنـبــا = ركــز وتـلـقــى مـدخــل لصـنـدوقهـا
والله أعــزك واعـتـرف بــك شـاعـر = تشفي صدى صادي ظماي وشوقها
حـيث الغريّــب بـحـره اليـا تـلاطمـت = أمـواجــه يـغــرّق غـريــق عموقهـا
يا ناجي ضويحي سلمت من الشقــا = وهــديّـتـي لـك عـطـرهــا يـفـوقـهــا
*******************

سـعــود الـغـريّــب
18/5/2011م