يا امة الاسلام ضاعت مواثيق وعهود = الشام تقتل والطفل والنساء وارجالها
اللي حصل بالشام ماسوته حتى اليهود = اليا متى هالوضع والنفس ضايق بالها
شفنا المجازر يفصلون المناكب والعضود = والام تقتل من بعد ما تموت اعيالها
القتل والتشريد والمهزله قامت تسود = والشعب من ضيم المواجع شرب فنجالها
حتى الجنايز يالمجوسي على روس الشهود = باكفانها صارت جريمه على من شالها
حتى المساجد دمرت مابقى منها حيود = وتدعي عليك الناس بقفايها واقبالها
ذليت شعبك واليهودي تهابه يالشرود = وسط ارضك الجولان بندقك ماتشتالها
ساس الكفر ساسك وحزبك مثل حزب الليكود = من كفرهم كلن على صورتك صلى لها
والثوره اللي ثايره بالتصدى والصمود = باذن الولي بكره يحقق لها امالها
والمشكله حنا نتشاور و خلق الله شهود = نرسل من البعثات والشام يرثى حاالها
من بعد بيض ايامنا صارت الايام سود = يا امة ً تاريخها مشرف ً لاجيالها
اعدائنا بافكارهم خططو لا ابعد حدود = وحنا على حد السلامه ونعشق جالها
من قلة الايمان كنا عن العالم رقود = ان ماصحينا للمشاكل متى نصحى لها
ان ماتوحدنا ونحشد لهم اكبر حشود = يا امة الاسلام و اوضاعنا يرثى لها ؟
باكر ليا صرنا مابين النصايب واللحود = وش عذرنا يوم القيامه نشوف اهوالها
نسئل الله لهم النصر باقرب وقت وازالة الطاغيه واعوانه الكفره وان يرفع البلا عن اهل الشام وعن جميع المسلمين
(( خالد محمد بن جبهان ))
الشام تقتل والطفل والنساء وارجالها
( تقرير عن مشاركة مخالفة ) ، و الموجودة أسفل كل مشاركة .