الأخ ناجي

[محمد بن هضيبان]

اخ ناجي السلام عليكم

استوقفتني قصيدة الشاص
وانجذبت اليك المشاعر
وفي الحقيقه انا ابتعدت عن مضمون محور ماتفضلت به
حتى يكون لي مجاراه في مضمون آخر

جذبني كلام الشاعر الأول البدّاي=على توبد العشاق حاديه حدايّه
ياليته يبادني كما شكوته شكواي= ويارد على عدٍ طراقيه سرايّه
وابخفي حقايقنا عن املاطف الهُوّاي=وانا مااجرح اشعوره وداريه بدرايه
عسى نجد يضفيها من المزن برق وماي=وعسا راس ناجي دايم بخير وهدايه
اجاريك ياناجي وانا قاطعٍ بالراي=لوّ ان الرها ضيّع دليلي وممشايه
اصوّر خيال الشاعر المحترم بدهاي=وناديه لو مايسمع الصوت لندايه
ولاابدي علومي غير متوكد مِن اخطاي=ولا اقرا الكتاب إلا على مصدر اروايه
انا ودي ابلقياك اذا ودك ابلقياي=ماهو ماقصدي قل الرجاجيل بلقايه
لكن ودي اشرحلك ظروف وعلوم الحاي=هذي كلمةٍ عند العرب هرجة الدايه؟
يسولف بها ربع الضحا في سكانة شاي=ويسولف بها ربعٍ على اسقايـت .. المايه
جمعني بهم حب الوطن غصب يامشكاي=لو ان البعض منهم عقوبه ولوّايه
ولو ان البعض منهم يعاتب على معناي=انا هذي طبوعي وقولي ومعنايه
انا ارسلت لك مضمون مايجتول بحشاي=سلامي عيك ابدايت .. الشعر وانهايه

[ناجي]

الأخ الفاضل \ محمد بن هضيبان

صح لسانك وبيض الله وجهك , يكاد يجمع الناس على أنه لايأتي من الوافي الا الوفاء

وهذا ما وجدته في قصيدتك ,,

اشكر على خصي بالقصيدة الطيبة والجزله والوافية وابشر بالرد الطيب والله أسأل ان يقدرني عليه .

أخص شخصك الكريم بالسلام والتقدير ,, ولا هنت ,,

[محمد بن هضيبان]

يسعدني تواجدك دائما يابوسيف
انت من تحركنا وتقودنا مشاعرك حتى نظهر بالصوره الشعريه المطلوبه عند الجميع
وانا استهدفك دائما لأني لاأجد .