السلام عليكم
وفاء للشعر ولهذا المجلس
إليكم جديدي
المزن ساق وساق قلبي يمه
والبرق لاح ورف طرفي صوبه
اتابعه ومخايله يجذبني ,,, ويرافقه فكري على المنجوبه
ما مر ليل من سواد أيامي
إلا وعيني للفضا منصوبه
الخير فالدنيا كيثر وافر,, والشر سيار على مســــحوبه
والغافل اللي ماتذكر باله
ولا تفكر والحوال اعجوبه
ياعامر الخارج هدمت الداخل ,, عمارة التدمير خوش ألعوبه
انت تغرد والطيور تغرد
والفرق فالتغريدتين اضروبه
انت تغرد مبتهج في حالك ,, والطير غرد للسميع اعذوبه
غرد ولكن لاتغرد هقوه
كم غردت حال السراب اعقوبه
غرد بصدق وحس دين ومبدا, واذكر سلفك ونفسك المطلوبه
لاتغرد الدنيا من اجل الدنيا
الوقت راح وحالتك منكوبه
ماقول لك سبها وخلك عاله ,اكسب تعيش وعيشتك محسوبه
هذا زمان قل فيه الناهي
والآمر اللي حزمته مكروبه
هذا زمان رويبضات الدنيا ,,,اللي تولع للعذاب اشبوبه
كم باعوا الذمه على السوامه
وكم شوهوا من حجة مكتوبه
والمسلم اللي يسلم الاسلامي ,من شاذبه ويدينه المقلوبه
حسيت في حس العرب لاتيني
ومن لايحس مكسراً عرقوبه
باحرف عربيه بدل مجموعه, "قروب" مدري قارب المقروبه
ياكثر مايضحك علينا العالم
صرنا موات ونارنا مشبوبه
شعر : ناجي العازمي
المجموعة صارت " قروب"
( تقرير عن مشاركة مخالفة ) ، و الموجودة أسفل كل مشاركة .