على كثر ما أرسل عليك الرسايل = ماحن لي قلبك ترد ب رساله
أرسلتلك والشوق صايل وجايل = ارسل عليك وحال مغليك حاله
ضاقت علي كل السبل والوسايل = وضيق على وقتي ,, وضيقت باله
عرفتني بالوصل ,, والشك زايل = وين الوصال اللي خفوقك سعى له ؟
ياليت تعرف ويش بالقلب شايل = شلت الغلا ,, والقلب من طيب شاله
بالله قلي ويش بالصد طايل = صاحبك في صدك ولا شي طاله
ماغير طعنت صد والوقت مايل = واللي ذبحني ,, رحت عني ب سهاله
سويت لك بالوقت طيب وجمايل = وأنته بصدك كن مابه جماله
اثرك سحاب و غرني بالمخايل = خلت السحاب ولا صدق في خياله
مدام قفى الغيم ما به همايل = وش حاجتي اصبر ترد الرساله
صاحبك في صدك ولا شي طاله
( تقرير عن مشاركة مخالفة ) ، و الموجودة أسفل كل مشاركة .