البارق اللي في دجـى الليـل لايحـه=زوّد بـلا قلبـي وحــرك قرايـحـه
لا لاح لاحتنـي همـومـي ووقـفـت=وسط الحشا وأمست تنقـض جرايحـه
ودارت على حدب المحانـي ومزقـت=قلبن همومـه منـه ماهيـب رايحـه
هذاك غيـر النـوح والنـوح خابـره=كد جاوبتنـي فرخـة الـدوح نايحـه
أنوح نـوح الـورق وأزفـر زفيرهـا=وأعوي عوى ذيب خوى الليل شايحه
عليـك ياللـي فيـك روحـي تعلقـت=تعليق مسمار الخشـب فـي لوايحـه
لاطالنـي قربـك ولا الوصـل طالنـي=الوقت عنـك القلـب يازيـن زايحـه
مالي جدا ياكـود شعـري وهاجسـي=يرعف على القرطاس الابيض صرايحه
يسوقنـي حبـك لطاريـك وأنشـغـل=وأبوح لك همـن مـن العـام بايحـه
والا الرجاء مافادنـي فيـك وأعرفـه=خايب ولـو كثـرت عنـدي مدايحـه
حظـي وأعرفـه ياكثـر مايعوقـنـي=مايوم جـازا خاطـري مـن منايحـه
العام خايـب وآخـر العـام هالسنـه=منه الرجاوي تشكـي اليـاس طايحـه
البارق اللي في دجى الليل لايحــه
( تقرير عن مشاركة مخالفة ) ، و الموجودة أسفل كل مشاركة .