مساجلة بين " بشيت بن سودان "" وناجي بن سودان "

[ناجي]

أصل النص

هنا
http://www.alawazm.com/vb/showthread...25#post3279825

السلام عليكم ورحمة الله وبركاته

إليكم هذه المساجلة بيني وبين بشيت بن مضحي بن سودان لما في صوته من التجربة والمعاني الجليلة ,,



صورة :بشيت ابن سودان

بديت باسم الله والحمد والثنا= الله يوفقنا الهدف ونصيب
الله يجنبني خطا راس القلم = لايصير في معناي شك اوريب
انا مشيب ذاكر في شبابي= اثر شبابي مردف له شيب
يالله تختم تالي العمر بالهدى= واني دخيلك عن سلوم العيب
انا وكل المسلمين برحمتك= ياغافر الزلات تستجيب
عسى شباب السلمين موفق = واللي جهل منهم يصير اديب
الله يهدي الجاهلين عن الجهل= يسلك بهم سبل السعد والطيب
ارجوك يا خلاق من طين آدم= مسحت ظهره وانتشر له صيب
انك لاتفتنا بتال اعمارنا= على الصراط نفوز منك بطيب
الله يجعل سمعتي مستوره= وعسى حسابي مايجي صعيب
فكرت في الدنيا الى ذا قايم= وهذا طريح مضربه عطيب
مشاكل الاجواد صارت عميا= لو اجتهد في حلها الطبيب
ناس تفرق شملها ماتلمها= والاخرين مرفين بسيب
حوادث الايام من فعل اهلها= وسلم الشرف للطيبين نصيب
اشوف لي ناسٍ تدرج ضلع= تب العظام الهامدة تطيب
ترى شباب مايكرم شاربه = المخطيات بطيبته تعيب
لا زلفت سمر الليالي بالفتى = عجيب ردات الكبار صعيب
مايدرك المعقول كود مجرب = ولاكل خصم يفلج الطليب
ولا كل رجالٍ يحل القالة= ولا كل من ركب الاصيل نجيب
ولا كل من قال الكلام يثمنه= حل الامور المبهمات صعيب
هذا كلامي واستلم ياناجي= ولا انته غشيم اجربك تجريب
مثلك ليا منه وسق شط البحر= يجيب دره لو ثمنها اتعيب
ابا مرد رسالتي مستورة= موجز لكن مرتب ن ترتيب
احلى من اللي فاض من كنز النحل = وبالصدق ياقربه لقول شعيب
وصلاة ربي عد ما هب ذاري = واعداد مالنجم بسماه يغيب

صوت
بشيت بن مضحي بن سودان الهدلاني

بديت باسم الله , والحمد والثنا= للمعتلي والمانع المجيب
سبحانه المعبود في كل حزه= جل جلال , اللي له الغليب
الخالق الرازق هو الواحد الصمد= إليه العباد من الزلل تنيب
الحي قيوم السموات والوطا=جميع الانفس في حماه عزيب
يطيعه الكافر على رغم انفه= والمسلم يسلم رضاه بطيب
تسجد له الصم البكم لين يرضى= وحتى الطيور مسبحه تليب
الكامل اللي لاكمال لغيره= مايعتريه النقص والتقريب
والا العباد مقيده في أمر = بأوامره تعمل ومنه تجيب
مسيره في حكمته لامخيره= مرات مغلوبه ونوب غليب
جميع مايحدث بهالكون عالمه= مقننه مافيه شك او ريب
حدد بني آدم باول ظلمه = خلاص انتهى هياه ماش غريب
هذا بعلم الغيب والغيب مختفي= تسير العباد وما تصيب تصيب
وترى سنة الوالي بمثلي ومثلكم = يبدأ الشباب مجربٍ تجريب
تسنه الايام ويشوف فعلها= وتجربه على القسى تدريب
اما طلع فيها صبيا سنافي= وجمع العلوم الطيبات نصيب
وصبر على الدنيا ومع ربه اتحد= ترفع وجاء للعاليات اصحيب
والا مع اول ضربة من عصيها= تراجع وخلى الطيب يم العيب
وترى ضعيف الدين والجاه والشرف= يشوف فعل الواجبات اتعيب
وترى حلاة الناس في وحدة الهدف = وجبر العصا قدام فري الجيب
ثم التقدم للمعالي ومثلها = فيما يكسّر شوكة الحريب
غير التوسع في المدارك عن الجهل = الجهل يوجد مدخل الطليب
هذا وكل عامله قد عملته = الا القريب استر خطاه قريب
لابد مايرجع ليامن دمحت له = والا سترت النفس لاتعيب
وترى سنة الله في عباده مقدمه= الاجيال تتعاقب كذا وتغيب
ولا فيه وقت الا يحدد معالمه= ويفرض صفاته والنساء اجيب
يطلع رجال بالقسى يعتزابهم= ويجيب الوسط ويجيب لك ذهيب
ولا فيه وقت الا يقدم مشاكله= ومشاكل زمنّا علة الطبيب
لا صار المداوي غاطس في مشاكله=تعيل الامور وكل شي يعيب
وترى الدعا لاهل المعاصي بالهدى = واجب وخلاق العباد حسيب
ودعواك للمسلم بصلاح دينه= ودنياه عونا له وفيه تطيب
لرب دعوة مسلمٍ مستجابة = وقت استجابه جت بظهر الغيب
ولا خير في الدنيا ان ما جت مساعده= للدين والاصحاب والقريب
الله يامرنا على الدين والتقى= ويدلنا للخير يالقريب
اقولها وانا استغيث بخالقي = يروف بي والا مداي غريب
يابشيت هذا موجز العلم والخبر= ومثلك فهيم ولا يجي به ريب
ماخاب من وجه بوجهه لخالقه = وجنب عن ادروب الغوى تجنيب
وراجع حسابه ثم داوم على الهدى= دنياك هاذي فانيه ياذيب
ومثلك عروف ويحكم الساس للبناء = الايام دولات وتجيب سريب
هذا وصلى الله على سيد البشر = الحق حق وما عداه تكذيب

صدى
ناجي بن ضويحي بن سودان