السلام عليكم ورحمة الله وبركاته
اسعد الله اوقاتكم لما يحب ويرضا
أقدم لكم هذي الأبيات
علاقات هذا الوقت ماترضي أهل الدين=وانا من رجال الدين وأطلب رضى ربّي
علاقات كذب وزيف ماتاخذ الحولين=تفتّح بخدعه واتغلّق على السبّي
وانا لي حبيبٍ صدق أحبه ولذاللحين=اقابله بالصدّفه وما ابديت له حبّي
احبه محبه وافيه بالقسى واللين=على القلب حبه ياهل العرف منكبّي
تمركز غلاه بخاطري من ثلاث اسنين=ومعهن ثلاث اسنين لاكان متخبّي
نزيه العقل محلاه مايقرب أمن الشين=على العز والنوماس والطيب مترّبي
عسى الله ياقى صاحبي من سهوم العين=وياقاه ربي لاهب القيض لاهبّي
وجودي وجود اللي تبلّا بكثر الديّن=على صاحبٍ شيّب براسي وانا شبّي
حلات المحبه والموّده ليوم الدين=ولاهي علاقه بضعت شهور وتسبّي
وسلامتكم
( علاقات هذا الوقت )
( تقرير عن مشاركة مخالفة ) ، و الموجودة أسفل كل مشاركة .