مـــقـــتــــطـــفـــات شـــــعـــــريـــه 3

[حمد بن معترم]

السلام عليكم ورحمة الله وبركاته

إليكم هذه المقتطفات الشعريه

ونامل أن تحوز على رضاكم

يالله ياعالم خفى الإنسان=نرجاك فالحلوّه فالمرّه
إنك تديم الأمن والأمان=في ديرت(ن) بعيوننا درّه

يالمرشح كان لك مذهب ودين=تصلح احوال المواطن والبلد
اعتبر بالقابضين المرتشين=ماحدن في كثرت امواله خلد

لابارك الله في بعض البشر=االي تكدر مزاج المسلمين

يالله لاتدمح خطا كل مخطي=لان الخطايا ماتسر الخواطر
واللي على المعروف ياخذ ويعطي=ينقال له وافي وعاقل وشاطر

الطيّبه يتعب لها كل طيّب=والخايبه يسعى لها كل خايب
واللي تعب قدام راسه يشيّب=يذكر مع اهل الطيب لو كان شايب

اللي يبا يكسب رضى شخص طيّب=يكمل مطاليبه ويبدّي له الطيب
وإن كان فيه العيب والفكر خيّب=لازم يغثرب صافيات المشاريب

الحجّه اللي مالها برهان=أهل المعرّفه ما تقبّلها
واللي يجي في هرجته نقصان=مهبول وأفكاره بعد بلّها

مانيب مدريدي ولا برشلوني=يامشّجعين الانديه والرياضه
شاعر وأدّله خاطري باللحوني=وأفرق سواد الأدمي من بياضه

قالو أهل المعرّفه من يبيك=مايخبّي عليك السالفه
وانت فرّصتك هذي بين ايديك=سلم الأحباب ليه أتخالفه

ياوقتنا ماعاد عند المحبين=غير الخديعه والكذب والخيانه
نادر تحصّل واحدن مذهبه زين=من طيب نوّه مايخون الأمانه

لاواحلالاه يالمزيون=اللي عن الناس يغنيني
خدّته حمرا وسيع اعيون=تغار منه المزاييني
عفيف مايقرب امن الهون=نزيه مايقرب الشيني

إن جيت في خير تلقى خير يالغالي=وإن كان غيره عويذ الله من شرّك
وإن كان قلبك من اهموم الدهر خالي=بالك تسبب ضرر لإنسان ماضرّك

الحب ياهل المحبه والغرام=نوعين والكون للعاقل رحب
كانه على دين مايقرب حرام=يخلد ويبقى بذاكرة المحب
وإن كان كذب وسواليف وكلام=يرحل سوات المخايل والسحب

كان أبتلى العاقل بحب وغرام=لايامن الايام وليالها
يطري على راعيه في كل عام=دايم شقي والحال يرثالها

العين عافت لذة المرقاد=والنار وسط القلب وقّاده
سبت وليف(ن) صعب ماينصاد=مافيه قبلي واحد(ن) صاده

بالله ياراع العيون الوسيعه=ترفق بحال اللي بزينك توّلع

مانيب ظالمها ولاني مخادع=لاكان وديّ للأمور أتطلّع
أخير درب التفرقه والموادع=من عشرتن تحرق فؤاد الموّلع

وسلامتكم