مساجله مع الشاعر سعود الغريب

[محمد بن هضيبان]

اقتباس: المشاركة الأصلية كتبت بواسطة الشاعر سعود الغريّب    السلام عليكم اخواني الاعضاء وابنائي.. المعروف اجتماعياّ ان الطالب يدرس من بداية حياته في الابتدائي الى ان يصل الى اعلى المراتب العلميه .. ولكن المدرس يبقا مدرس في حياته اذا ماتابع تعليمه العالي ولكن انا درست ابوسلطان وانطبق عليه بيت الشاعر العربي الفصيح اعلمه الرماية كل يوم ... ولمّا اشتد ساعده رماني وهذا ماحصل من ابوسلطان ورديت عليه وارجو الفزعه من الشاعر ناجي يقول الشاعر محمدبن هضيبان الغريِّب راح وقته وانتهن اعصوره=شاب رمشه وانحنا ظهره على المطويه مايقوم إلا على تعنيزت الباكوره=دنقر الهيب ورجع ليامه الفطريه انتها هدلان الاول وارحلو جمهوره=ولابقا من عشرت المذكور غير اشويه ياسعود المشكله فالديره المعموره=جمعت شعب الكنانه دقت الطبليه وانت عينك ماتخايل غير مبسم نوره=مت ياقيس الملوّح في عيون بنيه لو يجيها الدوقله يرسم عليها صوره=ماتعرف ارسومها واوصافها الفقريه الزعل مايرسم البسمه على المسروره=لوتلحفها غرابيب الدجا الغدريه والغزل كلن على وصفه تهيض شعوره=يرمي الشاعر عليه احروفه الشعريه مير انا جنبتها عن عالمن مغروره=مانبيح اسراره بالوزن والقافيه في زمانن فاتها يابوبدر مغدوره=كان ماتجهل وصوف الدانه البحريه

الرد مني

الله اقوى البارحه جتني براسي دوره=وعصفن افكار هجسي وانتشيت شويه
بعد ماكنت اشرح دروسن على الصبوره=طالبٍ بالفصل عندي صار ضدٍّ ليه
جا..يعيّرني بعصري زاهيّن بعصوره=مادرا إني دست قبله فيضةٍ قفريه
لاتكشّف ياالأمير امغطيات اقدوره=خل ستر السالفه مغمور بالصفريه
لاتذكرني بوقتٍ راح مع مستوره=لامشت كنها تقلد مشية القمريه
خدها يشبه شعاع النور بالبلوره=كنها القنديل يوضي عتمة الغدريه
لويشاهدها المطوّع ضاع كل اشعوره=إليا إرفعت عن خدها في طرقت البوشيه
ول يابستان يانع ناضيات اثموره=ماقطفت الطلع منّه في كفوف ايديّه
حال من بيني وبين الترف عرف احجوره=من ولد عمٍ قريب وصار عوقٍ ليه
اسمها ثريا ذراع وهنعةٍ ماثوره=وبعدها الشرطين حلل شفرةٍ مقريه
بعد فرقاها ذويت وصار فيّ احروره=في حشاي وطاحت ضروسي شوي شويه
الله يعينك على العكاز والباكوره=تشتريها مملك إلسعره ..تجيبه ليّه
تكفا ياناجي افزعلي فزعةٍ مشهوره=الهضيباني غزاني ناويّن له نيه

سعود الغريّب[/quote]