خلاص ما عاد بيدك وانتهى دورك = من بعد ما كنت تامرني وتنهاني
ومن بعد ما كنت احاول ارضي غرورك = على كثر همّي اللي شلت واحزاني
يومني اصدق معك واشتاق لحضورك = والشوق في غيبتك خذني ووداني
خلاص ما عاد بيدك وانكشف زورك = لو كنت صادق تعاني مثل ما عاني
مليّت اجاوب معك واراعي شعورك = كرهتني في وصالك وانت تجفاني
مليّت وانا اتحرى لحظة مرورك = وانا احسب انك بعد مثلي تحراني
كبّرت شانك واشوفك تقصر شبورك = واكبر غلط يوم انا حطيت لك شاني
غلطان منهو سمع رايك واخذ شورك = واللي يجاوب معك بالحيل غلطاني
خلاص لو بالبحر رسيت بابورك = درب ٍ يوديك لا يرجعك لي ثاني
لو اظلمت دنيتي ما اشفق على نورك = ولو الزمن ذكرك حاول تنساني
لانه خلاص انتهى يا صاحبي دورك = مات الغلا والوله.. والوقت صحاني
خلاص ماعاد بيدك وانتهى دورك
( تقرير عن مشاركة مخالفة ) ، و الموجودة أسفل كل مشاركة .